Nuusflitse – April 2019 - Twee plaasaanvalle in VS in April

Twee plaasaanvalle in VS in April

Daar het gedurende April 2019 twee plaasaanvalle in die Vrystaat voorgekom. Dit is volgens die VKB Vrystaat Landbou (VL) Veiligheidslessenaar se inligting.

Dr Jane Buys, Veiligheidsrisiko-analis van VL, sê die voorvalle het by Hoopstad, en die ander een tussen Frankfort en Villiers, in die provinsie plaasgevind.

“ ’n Plaasmoord het oor die Paasnaweek in Hoopstad voorgekom. In die voorval is ’n plaasvoorman én ’n aanvaller noodlottig gewond,” sê Buys. Die ander aanval, tussen Frankfort en Villiers, was op ’n produsent.

Volgens die VKB VL Veiligheidslessenaar se inligting het daar in dieselfde maand verlede jaar (April 2018) ook twee plaasaanvalle in die Vrystaat plaasgevind. Dit was in Hertzogville en Paul Roux (twee produsente is toe aangeval).