Nuusflitse – November 2019 - VL vergader met Amerikaanse konsulaat oor veiligheid

VL vergader met Amerikaanse konsulaat oor veiligheid

Die misdaadsituasie op landbougrond in die Vrystaat, gebreke en tekortkominge in die regstelsel en hoe landelike veiligheid verbeter kan word. Dit was onder meer op die agenda toe Vrystaat Landbou (VL) se Landelike Veiligheidskomitee onlangs met ’n afvaardiging van die Amerikaanse konsulaat, onder leiding van Robert Chase Thompson, ontmoet het.

Volgens dr Jane Buys, Veiligheidsrisiko-analis van VL, is moontlike oplossings om bogenoemde tekortkominge aan te spreek ook op die vergadering, wat op 19 November 2019 in Bloemfontein plaasgevind het, bespreek.

“ ’n Groot fokus is ook geplaas op die situasie en toestande wat landbougemeenskappe langs die grens tussen Suid-Afrika en Lesotho ervaar,” sê sy.

Volgens haar kan verdere gesprekke met die konsulaat en nuwe Amerikaanse ambassadeur, Lana Marks, moontlik in die toekoms volg.