Nuwe VL Jongboer van die Jaar sien die groter prentjie

Nelius Ferreira saam met sy gesin. Van links is Cornel, Nelius, Jomarli en Jéan. Foto: Verskaf.

 

18 April 2018

Die spel se reëls is vir almal dieselfde. Dit hang net af hoe jy hom speel. Dié benadering is een wat Nelius Ferreira op sy plaas toepas en vorm deel van sy sukses-resep.

Die nuwe Vrystaat Landbou (VL) Jongboer van die Jaar meen boonop harde werk is belangrik. “Ons boerdery se sukses lê in: Wat jy insit sal jy uitkry.” Dit is juis na aanleiding hiervan wat hy homself as hardwerkend, doelgerig en ’n goeie beplanner beskryf. Hy glo ook hy is iemand “wat die groter prentjie in gedagte hou”.

Lees verder: Nuwe VL Jongboer van die Jaar sien die groter prentjie
 

Nuwe VL Jongboer van Jaar bly hy kan verskil maak

Nelius Ferreira en sy vrou, Jomarli. Foto: 3’kie’s Fotografie

 

13 April 2018

Net om ’n finalis in die Vrystaat Landbou (VL) Jongboer van die Jaar 2018 kompetisie te wees, wys reeds jy maak ’n verskil in landbou en dít is vir hom lekker. Só het Nelius Ferreira gesê nadat hy op 12 April 2018 by ’n glasngeleentheid in Bloemfontein as die 22ste wenner van die kompetisie, in samewerking met Standard Bank, aangewys is.

Volgens Ferreira (37), van die plaas Grootdraai naby Harrismith, was dit ’n voorreg om saam met knap jong landbouers soos Hendrik Theron, Reece Dedwith en Wessel Hattingh, die ander finaliste, die verhoog te deel.

“Ek is werklik oorweldig. Ek is so besig in ons eie besigheid en dan kom só ’n ding soos die kompetisie oor jou pad en dan sien jy wat doen ander ouens. Dan dink jy: Jislaaik, hier is goeie kandidate. En ek is seker daar is nog baie daar buite.”

Lees verder: Nuwe VL Jongboer van Jaar bly hy kan verskil maak
 

Finaliste moet elke oomblik geniet, sê 2017 se Jongboer-wenner

    

Hendrik Theron                                             Reece Dedwith                                              Wessel Hattingh                                             Nelius Ferreira  

11 April 2018

 

Die wenner het dit nie noodwendig gemaak nie. Elke finalis het dit reeds gemaak. Dit is Johan van Huyssteen se boodskap aan die vier finaliste in Vrystaat Landbou (VL) se Jongboer van die Jaar 2018 kompetisie.

Van Huyssteen, 2017 se wenner, het die finaliste, Hendrik Theron, Reece Dedwith, Wessel Hattingh en Nelius Ferreira, sterkte toegewens en sê hulle moet elke oomblik geniet.

Die wenner van die kompetisie, in samewerking met Standard Bank, word op 12 April 2018 in Bloemfontein by ’n gala-aand aangekondig. Die finaliste is in Februarie deur VL se beoordeelaarspaneel, waarvan prof Pieter Fourie van die Sentrale Universiteit vir Tegnologie die sameroeper is, op hul plase besoek.

Lees verder: Finaliste moet elke oomblik geniet, sê 2017 se Jongboer-wenner
 

VL stig unieke ondersteuningsnetwerk vir landbouers

28 Maart 2018

 

’n Nuwe en unieke ondersteuningsnetwerk vir landbouers in die Vrystaat. Dit is volgens Gerhard Kriel, Hoof Uitvoerende Beampte van Vrystaat Landbou (VL), die doel van die stigting van Vriende van Vrystaat Landbou.

VL wil daarmee die publiek, wat nie noodwendig direk by landbou betrokke is nie, bewus maak van die omstandighede waarin landbouers werk en ’n netwerk vestig waardeur geld en kundigheid tot die organisasie se ledenetwerk beskikbaar kan raak. Dit word dan tot voordeel van landbouers gebruik en om hulle, onder meer in krisistye, by te staan.

Lees verder: VL stig unieke ondersteuningsnetwerk vir landbouers
 

VL en Cope bespreek Artikel 25 van Grondwet

27 Maart 2018

 

Vrystaat Landbou (VL) het ten doel om ’n veilige en volhoubare landbou-omgewing in belang van landbou in die Vrystaat te bevorder en werk saam met alle partye om hierdie doel te verwesenlik. In die lig hiervan brei die organisasie sy netwerk van belanghebbendes deur verskeie inisiatiewe uit, alles om uiteindelik sy lede te bevoordeel.

Daarom het die leiers van VL, wat 'n apolitieke organisasie is, ’n versoek van Mosiuoa Lekota, president van die Congress of the People (Cope), aanvaar om oor kwessies waaroor albei partye besorg is, te vergader.

Lees verder: VL en Cope bespreek Artikel 25 van Grondwet
 

VL doen beroep oor grensveiligheid op regering ná Ladybrand-moord

22 Maart 2018

 

Vrystaat Landbou (VL) is saam hartseer en spreek sy innige meegevoel uit teenoor die familie, kollegas en gemeenskap van Ladybrand wat deur die moord van ’n plaasbestuurder en beweerde verkragting van sy vrou geruk is.

VL sal sy kommunikasie-strategie gebruik om seker te maak die Landelike-beveiligingstrategie (LBS) sluit almal in die landbougemeenskap in. Die organisasie sal onder meer op 28 Maart 2018, wanneer die provinsiale implementeringsplan van die LBS tussen alle rolspelers met aksiestappe gefinaliseer word om landelike veiligheid te verbeter, by die polisie aandring dat produsente, plaaswerkers én -personeel deel daarvan moet wees. VL doen ook ’n beroep op die regering om die beveiligingsituasie by die grens tussen Suid-Afrika en Lesotho indringend aan te spreek.

Lees verder: VL doen beroep oor grensveiligheid op regering ná Ladybrand-moord
 

VL veroordeel moord op gesiene Vredefort-landbouer

5 Maart 2018

 

Vrystaat Landbou (VL) spreek sy innige meegevoel uit teenoor die familie van Dirk Steenkamp wat op 4 Maart 2018 sinneloos op sy plaas naby Vredefort vermoor is. Die organisasie veroordeel enige vorm van plaasaanvalle en spreek hom ten sterkste uit teen wat met Steenkamp, ’n lid van VL, gebeur het.

VL is aktief op grondvlak betrokke om die saak te ondersoek en aan te spreek. Volgens Tommie Esterhuyse, Vise-president van VL, is ’n afvaardiging op 5 Maart 2018 na Vredefort gestuur om met betrokke landbouers te ontmoet.

Lees verder: VL veroordeel moord op gesiene Vredefort-landbouer
 

Vrystaat Landbou se posisie ten opsigte van parlementêre besluit

 

28 Februarie 2018

 

Die posisie van Vrystaat Landbou ten opsigte van die parlementêre besluit om voort te gaan met die lang proses om artikel 25 van die Konstitusie te wysig om voorsiening te maak vir onteiening sonder vergoeding.

 In die lig van Dinsdag, 27 Februarie 2018 se parlementêre stemming om die lang proses van ʼn grondwetlike wysiging van artikel 25 na te streef om onteiening sonder vergoeding moontlik te maak, neem Vrystaat Landbou die volgende posisie in:

 

  • Ons ondersteun privaat eiendomsreg as die grondslag van enige oop, vrye en regverdig groeiende ekonomie
  • Ons sal veg vir regverdige en billike vergoeding ingevolge Artikel 25 van die Grondwet vir enige onteiende grond totdat enige wysigings na aanleiding van die regte en behoorlike proses aangebring word
  • Ons sal ten volle deelneem aan die lang en omvattende openbare deelnameprosesse wat benodig word vir grondwetlike wysigings met samewerking van Agri SA om toegang tot die beste regsadvies te verkry
Lees verder: Vrystaat Landbou se posisie ten opsigte van parlementêre besluit
 

Jongboer-wenner moet voorbeeld stel, sê prof Fourie

27 Februarie 2018

’n Melk-, saai- en twee Bonsmara-boere sal vanjaar sake uitspook om as Vrystaat Landbou (VL) se Jongboer van die Jaar 2018 gekroon te word.

Reece Dedwith (melk) van die plaas Rockridge naby Parys, Wessel Hattingh (saai) van die plaas Dipkraal naby Heilbron, Hendrik Theron (Bonsmaras) van die plaas Wolwekop naby Dewetsdorp en Nelius Ferreira (Bonsmaras) van die plaas Grootdraai naby Harrismith is die finaliste in die 22ste kompetisie. Ander afdelings, soos skape, gewasse, wild en appels, maak ook deel van dié landbouers se werksaamhede uit.

Lees verder: Jongboer-wenner moet voorbeeld stel, sê prof Fourie
 

VL reageer op uitsprake van grondonteiening sonder vergoeding

 

 

 

 

9 Januarie 2018

 

Vrystaat Landbou (VL) het met teleurstelling kennis geneem van die uitsprake van adj. pres.  Cyril Ramaphosa, nuutverkose leier van die ANC, rakende die onteiening van grond sonder vergoeding.

VL het gehoop dat hy meer rasioneel en deurdag sal wees met sy uitsprake, maar soos sy voorganger, pres. Jacob Zuma, maak hy uitsprake en beloftes sonder om die gevolge, uitvoerbaarheid en skade wat dit die land kan berokken in ag te neem.

Ongeag uitsprake die afgelope tyd deur die konstitusionele hof waar leiers en selfs die parlement aangespreek is omdat hulle nie die grondwet eerbiedig nie, maak Ramaphosa uitsprake in stryd met wat die grondwet, wat hy help skryf het, bepaal.

Lees verder: VL reageer op uitsprake van grondonteiening sonder vergoeding
 

Bladsy 2 van 3