🛑 𝐒𝐭𝐨𝐩 𝐩𝐥𝐚𝐚𝐬𝐦𝐨𝐨𝐫𝐝𝐞 🛑

Vrystaat Landbou eis dat die Minister van Landbou en polisie binne 30 dae ’n gesamentlike uitvoeringsplan bekend maak om plaasmoorde en -aanvalle aan te spreek, met duidelike verantwoordelikhede, hulpbronne en sperdatums. Die strategie kort statutêre rugsteun wat die polisie verplig om uitvoering te gee.

Die bloedvergieting op plase en in die landelike gebiede vereis dringende en volgehoue optrede. Boere en plaaswerkers se lewens kan nie langer die prys van gebrekkige uitvoering wees nie. - Francois Wilken

Lees al ons eise in die verklaring hier 👉https://www.vrystaatlandbou.co.za/af/fsa-demands-urgent-government-intervention-after-farm-murders-attacks-in-north-west-and-dewetsdorp/

#plaasmoorde #LandelikeVeiligheid #plaasveiligheid #landbou #vlvironsboere

RSG National Department of Agriculture Boermedia Netwerk24 ... See MoreSee Less

In landbou is ervaring van onskatbare waarde. Die kennis wat boere oor die jare opdoen oor grond, weer, vee, gewasse, arbeid, risiko en seisoene, kan nie uit handboeke alleen geleer word nie.

Vrystaat Landbou bring produsente, landbouleiers en plaaslike strukture bymekaar sodat praktiese kennis en ervaring nie verlore gaan nie, maar aan die volgende geslag boere oorgedra word.

Die toekoms van landbou word nie net deur nuwe tegnologie en beleid bepaal nie. Dit bou ook voort op die kennis en ervaring van mense wat reeds moeilike seisoene deurstaan het en steeds aanhou boer. ... See MoreSee Less

𝐏𝐨𝐥𝐢𝐭𝐢𝐞𝐤𝐞 𝐛𝐞𝐬𝐨𝐞𝐤𝐞 𝐚𝐚𝐧 𝐩𝐥𝐚𝐬𝐞 𝐯𝐨𝐨𝐫 𝟒 𝐍𝐨𝐯𝐞𝐦𝐛𝐞𝐫 🗳

Met die plaaslike regeringsverkiesing op 4 November 2026 in die vooruitsig, kan politieke partye toegang tot plase versoek om met plaaswerkers te praat.

📌 Beskerm jou private eiendomsreg, respekteer werkers se politieke regte en weet hoe om onregmatige of intimiderende optrede aan te meld.

❗Raadpleeg Agri SA se praktiese riglyne hier 🔗 bit.ly/4A1jXuT ... See MoreSee Less

Vrystaat Landbou het kommer uitgespreek oor ʼn toename in misdaadvoorvalle op plase in verskeie dele van die Vrystaat.

Onder die voorvalle tel beweerde pogings tot hondevergiftiging, voertuig- en trekkerdiefstal, onwettige mynbou, veediefstal, graandiefstal en die diefstal van koperkabels en sonpanele.

Lees die volledige mediaverklaring vir meer besonderhede oor die voorvalle en voorsorgmaatreëls wat boerderygemeenskappe kan tref.

www.vrystaatlandbou.co.za/af/increase-in-crime-incidents-on-free-state-farms-raises-concern/ ... See MoreSee Less

Boere werk in ʼn omgewing waar omstandighede vinnig kan verander: siekte-uitbrake, veiligheidskwessies, beleidsveranderings, tariewe, weerstoestande en markdruk.
In sulke tye is toegang tot betroubare inligting noodsaaklik.

Vrystaat Landbou help om relevante inligting betyds aan boere beskikbaar te stel, sodat hulle nie op gerugte of onvolledige inligting hoef staat te maak wanneer belangrike besluite geneem word nie. ... See MoreSee Less

Die Departement van Landbou het boere gewaarsku om die moontlike impak van El Niño in hul beplanning vir die 2026/27- somerseisoen in ag te neem.

Laer reënval en hoër temperature kan weiding en waterbronne onder druk plaas, plantvensters beïnvloed en besluite oor vee en insette bemoeilik. Dit beteken dat boere hul seisoenbeplanning met besondere sorg sal moet doen.

Lees meer oor die jongste klimaatvooruitsigte en waarom tydige beplanning belangrik is.

www.gov.za/news/media-statements/agriculture-el-nino-weather-climate-02-sep-2026 ... See MoreSee Less