Nuus
deel hierdie plasing
Facebook
Linkedin
Twitter
WhatsApp
Telegram
Facebook
Vrystaat Landbou (VL) neem met skok en teleurstelling kennis van die verhoging in die Nasionale Minimumloon, soos op 8 Februarie 2021 in die Staatskoerant gepubliseer.
“Die regering se besluit om die Nasionale Minimumloon met 16% aan te pas kom op 'n tyd dat dit ekonomies uiters uitdagend is om voedsel te produseer en dit lyk asof die regering uit voeling is met realiteite.” sê Francois Wilken, president van VL.
Die Nasionale Minimumloon is van R18,68 na R21,69 per uur aangepas.
“Ondanks Vrystaat Landbou en ander instansies se besware teen die voorgestelde verhoging, het aansienlike aanpassings voortgegaan, ongeag die ekonomiese uitdagings wat die land tans ervaar.” sê Wilken.
Benewens gesamentlike kommentaar het Vrystaat Landbou ook individueel beswaar gemaak teen die voorgestelde aanpassings en gewaarsku dat die aanpassings tot werkverliese kan lei. Die voorgestelde aanpassings was in sekere opsigte op aannames gegrond, aangesien inligting relevant tot die aanbevelings nie aan die Nasionale Minimumloonkommissie beskikbaar was nie. Dit blyk dat die organisasie se waarskuwing op dowe ore geval het en die erns van die huidige werkloosheidsyfer sal na alle waarskynlikheid verdere beduidende opwaartse neigings toon en gevolglik 'n negatiewe impak hê.
“Die tyd sal leer, maar hierdie ondeurdagte besluit sal boere dwing om alternatiewe in plek te stel om ekonomies te oorleef.”
Onlangse Nuus
Veldtogte
8Plasings
Ekonomiese verslae - 2019
4Plasings
Mediavrystellings - 2020
11Plasings
Mediavrystellings – 2019
9Plasings
Mediavrystellings 2021
68Plasings
Mediavrystellings 2022
31Plasings
Mediavrystellings 2023
16Plasings
Mediavrystellings 2024
5Plasings
Nuus
138Plasings
Nuusbriewe
1Plasings
Ongekategoriseer
2Plasings
Bly op datum met Vrystaat Landbou
SLUIT AAN BY ONS NUUSBRIEF
Ons borge
Ⓒ 2024 Vrystaat Landbou Alle regte voorbehou | Webwerf deur Splinternuut