Vrystaat Landbou

Met trots verteenwoordig ons die boere en die gemeenskappe van die Vrystaat en sien uitdagings as geleenthede, ongeag die beproewings wat ons elke dag in die gesig staar. 

Ons is standvastig in ons geloof en alhoewel ons oop is vir oortuiging, bly ons geanker in ons siening dat ons, met ons selfaanvaarde en opgedra verantwoordelikheid, ons plig met volharding en trots sal nakom, ongeag.

Ons nuwe beeld is jonk en dinamies, die stem van rede, 'n beplanner, gebalanseerd, toeganklik, verseker, proaktief en trots. Altyd streef, vorentoe en opwaarts. 

'n Geleentheid, vir jouself, om betrokke te raak by die skep van 'n volhoubare omgewing waar advies, kennis, inligting en waardes, binne 'n stabiele en werkende struktuur, gedeel kan word. Waar ons, met Christelike gesinswaardes, mekaar dien en ondersteun. 

Ons hoop in die toekoms is gebou op eienaarskap, integriteit, eenheid, leierskap, insig, geduld, diensbaarheid, toewyding en blatante eerlikheid. Omdat ons die belangrikheid van landbou verstaan, besef ons dat wat ons vandag doen, ons erfenis raak. 

Deur Sy genade staan ons, ongeag.