Nuus
deel hierdie plasing
Facebook
Linkedin
Twitter
WhatsApp
Telegram
Facebook
As gevolg van die haglike toestand van die R30 'doodpad' het byna 25 mense die afgelope maande hul lewens verloor. Hoewel Vrystaat Landbou (VL) die uiteindelike aanstelling van kontrakteurs (wat die R30 gaan herstel) verwelkom, kon baie lewens gered gewees het as die regering vroeër ingegryp het.
Kempen Nel, voorsitter van die infrastruktuur komitee van Vrystaat Landbou (VL), sê dit is kommerwekkend dat burgers se lewens in gevaar gestel word as gevolg van burokratiese rompslomp en gevolglike staatsverval.
Sedert Januarie 2022 se vloede is 'n deel van die R30 amptelik gesluit. Waarskuwingstekens en versperrings is egter gesteel en die pad is daagliks gebruik. Grondwalle is later oor die pad gegooi wat boere van graansilo's afgesny het. “Die paaiedepartement het wel later toestemming aan boere gegee om met hul trekkers en sleepwaens oor die walle te ry om hul produkte af te lewer.” sê Uys van Heerden van Allanridge Landbouvereniging.
Die R22 miljoen kontrak beoog om 'n 300m stuk pad op die R30 te herstel. Werk was veronderstel om vanaf 20 November te begin, maar dit blyk dat die pad in die hersteltydperk heeltemal gesluit sal moet word.
VL is bekommerd oor die tydrowende proses om kontrakteurs aan te stel. Volgens dr. Jack Armour, kommersiële bestuurder vir VL, het 500 kontrakteurs aansoek gedoen vir al die padtenders wat deur die departement uitgereik is en elkeen moet fisies deur twee komitees goedgekeur word. Dit word verder bemoeilik deur omslagtige bemagtigingsvereistes wat in die verlede veroorsaak het dat kaderkontrakteurs, wat nie die werk kan doen nie, aangestel is.
“VL se standpunt bly dat ons sou verkies dat die strategies belangrike R30-pad van Virginia na Orkney deur SANRAL oorgeneem word, wat 'n baie beter rekord van instandhouding van paaie het as die provinsiale departement van paaie,” sê Armour.
Onlangse Nuus
Veldtogte
8Plasings
Ekonomiese verslae - 2019
4Plasings
Mediavrystellings - 2020
11Plasings
Mediavrystellings – 2019
9Plasings
Mediavrystellings 2021
68Plasings
Mediavrystellings 2022
31Plasings
Mediavrystellings 2023
16Plasings
Mediavrystellings 2024
5Plasings
Nuus
138Plasings
Nuusbriewe
1Plasings
Ongekategoriseer
2Plasings
Bly op datum met Vrystaat Landbou
SLUIT AAN BY ONS NUUSBRIEF
Ons borge
Ⓒ 2024 Vrystaat Landbou Alle regte voorbehou | Webwerf deur Splinternuut