Nuus
deel hierdie plasing
Facebook
Linkedin
Twitter
WhatsApp
Telegram
Facebook
Die nuut voorgestelde Onteieningswetsontwerp teiken alle bates van alle burgers. Dit was die boodskap wat Vrystaat Landbou (VL) vandag, tydens 'n mediakonferensie oor die voorgestelde Onteieningswetsontwerp, oorgedra het.
Vrystaat Landbou het tydens hul mediakonferensie 'n verslag uitgereik waarin die organisasie die gevare van die voorgestelde Wysigingswet op Onteiening uitwys. “Ongelukkig het ons in Suid-Afrika nie die sekerheid dat die regering daartoe verbind is om fundamentele ekonomiese boustene te verskans nie. Die mees onlangse voorbeeld hiervan is die voorgestelde Onteieningswetsontwerp.” sê Francois Wilken, president van Vrystaat Landbou.
“In die algemene diskoers word verkeerdelik aanvaar dat slegs landbougrond die teiken van onteiening sonder vergoeding is. Hierdie wet is egter nie net ’n aanval op boere en grondeienaars nie, maar ’n aanval op elke individu se eiendomsreg.” Wilken gesê.
Dr Jack Armour, VL-bedryfsbestuurder en Annelize Crosby, Agri SA hoof van Grondsake, het tydens die mediakonferensie die grootste probleme met die Onteieningswetsontwerp uitgelig. Dit sluit in:
1. die verklaarde doel van die Onteieningswet, naamlik herverdeling;
2. die rede vir onteiening naamlik openbare belang (wat nie wyd omskryf word nie);
3. dat die wet onteiening sonder vergoeding (EWK) toelaat;
4. dat die wet breë algemene kategorieë daarstel waarbinne EWK kan plaasvind en,
5. dat alle bates deur hierdie wetgewing geteiken kan word.
“Hierdie wet moet gestop word en daarom is openbare opposisie in hierdie proses uiters belangrik vir VL,” sê Wilken. “Burgers moet besef dat as een persoon se eiendomsreg deur die staat geteiken kan word, is almal se eiendomsreg in gedrang. Daarom beoog Vrystaat Landbou om so wyd as moontlik steun teen hierdie wysigingswet te mobiliseer. Onteiening sonder vergoeding is 'n maak of breek ding nie net vir boere nie, maar ook vir die land en al haar mense.”
Media navrae:
Francois Wilken
President: Vrystaat Landbou
083 390 1831
Dr Jack Armour
Bedryfsbestuurder: Vrystaat Landbou
071 672 0271
Onlangse Nuus
Veldtogte
8Plasings
Ekonomiese verslae - 2019
4Plasings
Mediavrystellings - 2020
11Plasings
Mediavrystellings – 2019
9Plasings
Mediavrystellings 2021
68Plasings
Mediavrystellings 2022
31Plasings
Mediavrystellings 2023
16Plasings
Mediavrystellings 2024
5Plasings
Nuus
138Plasings
Nuusbriewe
1Plasings
Ongekategoriseer
2Plasings
Bly op datum met Vrystaat Landbou
SLUIT AAN BY ONS NUUSBRIEF
Ons borge
Ⓒ 2024 Vrystaat Landbou Alle regte voorbehou | Webwerf deur Splinternuut